Зоранчо Богоев

Фото: Emli Bendixen

Роден сум во 1983г. во Кочани. Пчеларството не е традиција во моето семејство и јас сум првиот кој започнува со оваа благородна дејност.

Првото мое искуство во пчеларството го стекнав благодарение на обуката за Основно пчеларство на одржлив начин која Меден Исток ја спроведува во рамки на својата акредитирана установа за едукација на возрасни.

По завршување на обуката се стекнав со меѓународно признаен сертификат за Основно пчеларство на одржлив начин, издаден од Министерството за образование и наука и Центарот за образование на возрасни.

Кога започнав да се занимавам со пчеларство набавив 4 пчелни семејства, во моментов одгледувам повеќе од 35 пчелни семејства од кои најголем дел се стационирани во село Тркање (Кочани) и неколку во село Ерџелија (Свети Николе).

Членството во здружението ми помага да континуирано учам нови техники за одржливо пчеларство и да произведувам здрав и еколошки мед, применувајќи ги во секојдневното работење на пчеларник.